Němski centrum za astrofyziku
Slědźenje.technologija.digitalizacija
DZA je naš namjet we wobłuku wubědźowanja BMBF a Swobodneho stata Sakskeje za natwar wulkeho slědźenskeho srjedźišća w regionje. Je to zhromadna iniciatiwa němskeje astronomije a fyziki astrodźělčkow za narodne srjedźišćo za astrofyziske slědźenje z inowatiwnym naroko, kotrež ćěri resursy lutowacu digitalizaciju doprědka, nowe technologije wuwiła, so wo transfer stara a nowe perspektiwy pokazuje, kruće zakótwjena we Łužicy.
Team DZA chce rosć.
Tu namakaće Wy aktualne wupisanja za dźěłowe městna pola DZA w němskej a jendźelskej rěči:
Šansy za wědomosć – šansy za Łužicu
Ćěrło za inowacije a motor za dźěłowe městna w high-tech krajinje Sakskeje, mjezynarodnje widźomna swětłownja, srjedźišćo za digitalizaciju a najnowše technologije a transfer, kotryž wusko ze sakskej industriju hromadźe dźěła. Srjedźišćo za inowacije a transfer, kotrež so wo to stara, zo naša wěda skutkuje a wo slědźenski labor hłuboko w měrje łužiskeho zornowca. Smy wo tym přeswědčeni: kaž žana druha wědomosć móže astrofyzika strukturnu změnu trajnje stworić.
Chceće wjace wědźeć?
KURZ UND KNAPP – DIE ZUSAMMENFASSUNG (PDF)
Skrótka a jadriwje – zjimanje (PDF)
Strategie des DZA (PDF)
Dobre přičiny za DZA
Narodna swětłownja z mjezynarodnym wuznamom
Slědźenje ze swětowym wuznamom a jónkrótnym wobsahom
Stara so wo identitu za region
Dźěłowe městna z přichodom, w mnohich wobłukach
Partner za hospodarstwo a institucije, podpěra za startup a nowe předewzaća, transfer
Kubłanje wot pěstowarnje přez wukubłanje hač na uniwersitu
Perspektiwa za młodych ludźi, zawěsćenje potrjeby na fachowcach
Magnet za nowe dźěłowe mocy z cyłeho swěta
Naša sylnosć: wodźaca kompetenca a nazhonjenja wot slědźenja a wuwića přez planowanje hač k zwoprawdźenju wulkoprojektow a nałožowanje w mjezynarodnych kooperacijach
Njetrjebamy narodne a mjezynarodne syće hakle natwarić, přinjesemy je sobu
Slědźenje z wuskutkom
Astronomija je naše zrozumjenje wo swěće a žiwjenje na zemi hižo přeco postajała. Wona bě a je ćěrjaca móc postupa. Dźensniša astrofyzika je wědomosć na wysokim niwowje z wulkej mocu inowacije. Wona je wulkim wužadanjam na polu wobdźěłana datow, computinga a wuwića technologijow wustajena – z wjele potencialom za wědomosć, hospodarstwo a digitalnu transformaciju. DZA chce tute wužadanje přiwzać.
Slědźenje na čornych dźěrach, čerwjenych hobrach a běłych palčikach fascinuje runje tak kaž ćěmna energija a ćěmna materija. Wulke slědźenske srjedźišćo we Łužicy móže k tomu přinošować.
Zakład za jutřišu towaršnosć
Stejimy před wužadanjom, zakłady našeho žiwjenja zawěsćić, klimu škitać a runočasnje postup, dźěłowe městna a derjeměće zawěsćić. Zrozumimy tute wužadanje jako šansu, pospěšimy digitalizaciju a staramy so wo dołhodobny a resursy lutowacy computing za digitalnu změnu towaršnosće. Dźělimy naš know- how. Tak zawěsćimy našu kmanosć za přichod a technologisku suwerenitu Němskeje. Stworimy dźěłowe městna přichoda, zawěsćimy přichodnu potrjebu fachowcow.
Silicon Saxony podpěra próstwu k załoženju Němskeho astrofyziskeho centruma (DZA) we Łužicy kaž tež natwar DZA syće za industriju a transfer.
Inowacije z astrofyziki
škleńčano keramiske maćizny, na přikład pola ceran-kachlow (Teleskopowy špihel)
technologija za nawoči z dwěmaj wšelakimaj sylnosćemi ( röntgenowa astronomija)
WLAN (radio astronomija)
Metody k wobdźěłanju wobrazow w medicinje, na přikład pola techniki za laserowanje woči (astronomiske adoptiwne optiki)
nowe technologije datow
Astrofyzika jako motor za dźěło
Mnohe přikłady pokazuja: astronomiske slědźenje změnja regiony trajnje. Tež DZA budźe jako motor za dźěło skutkować. Ze swojej wosebitej kombinaciju slědźenja a wuwiwanja na polu IT, sensorowej techniku a slědźenja na polu materialijow a swojej potrjebu na městnosćach k zhotowjenju budźe srjedźišćo sadźeć hospodarske impulsy. DZA jako mjezynarodna swětłownja z hižo daloko sahacej syću budźe mnohich ludźi nawabić. Skićimy wurjadne slědźenske programy, atraktiwne a wěste dźěłowe městna w mnohich wobłukach. Naš portfolijo je mnohostronski – skićimy dźěło we wědomostnym wobłuku, ale wo wjele wjace hišće w nic wědomostnym wobłuku wot techniki, konstrukcije, wobdźěłanju materiala, elektroniki, wuměrjenja, mašinotwara hač k knihiwjednistwu, nakupej a sekretariatej.
Wobhladujemy zasydlenje Němskeho centruma za astrofyziku (DZA) we Łužicy jako směrodajny symbol do přichoda. DZA přinošuje k sylnjenju inowaciskeho ekosystema Sakskeje.
