DZA wotewri přechodne stejnišćo w Zhorjelcu

DZA je na 22.02.24 oficialnje swoje přechodne stejnišćo w historiskim póstowym twarjenju při Póstowym naměsće w Zhorjelcu wotewrěła. Poswjećenje přewodźechu zwjazkowa ministerka za slědźenje Bettina Stark-Watzinger, ministerski prezident Michael Kretschmer a direktorka TUD prof. Ursula Staudinger, kotřiž symbolisce kluč designowanemu załoženskemu direktorej DZA, prof. Güntherej Hasingerej, přepodachu.

Na poswjećenju wobdźělichu so dalše prominentne wosobiny politiki, hospodarstwa a wědomosće, mjez nimi sakski minister za wědomosć Sebastian Gemkow kaž tež wyši měšćanosta města Zhorjelca, Octavian Ursu. Nachwilne rumnosće w dwěmaj poschodomaj w historiskim póstowym twarjenju při Póstowym naměsće w Zhorjelcu skića dźěłowe městna za prěnich něhdźe 100 sobudźěłacych centruma, doniž so ke doskónčnemu stejnišću njepřećahnje.

Highlight zarjadowanja bě podijowa rozmołwa z titulom "Astrocentrum Łužica: Swětłownja za trajnu strukturnu změnu w Hornjej Łužicy“, na kotrejž wobdźěli so nimo zwjazkoweje ministerki Stark-Watzinger, ministerskeho prezidenta Kretschmera, minister za wědomosć Gemkow a rektorka TUD prof. Staudinger tež prof. Hasinger. W swojim statemenće wuzběhny prof. Hasinger, zo njebudźe DZA jenož k slědźenju přinošować, ale tež k skrućenju regionalneho hospodarstwa a kubłanja. „Mnohe přikłady pokazuja: Astronomiske slědźenje přeměnja regiony trajnje. Ze swojej jónkrótnej kombinaciju slědźenja a wuwiwanja w IT, sensorowej technice a materialowym slědźenju a swojej potrjebu zhotowjenišćow budźe DZA ekonomiske impulsy sadźeć a znajmjeńša 3.000 do přichoda kmane dźěłowe městna při centrumje a we wokolinje wutworić “, tak prof. Hasinger.