Astronomojo w Konjecach – druhe grilowanje
Wulki nawal knježeše 30. awgusta na třistronskim statoku w Konjecach. Wobydlerki a wobydlerjo gmejny Ralbicy-Róžant a susodnych gmejnow běchu přeprošenju DZA sćěhowali.
Nimo mnohich wobydlerkow a wobydlerjow běchu tež předsyda Domowiny z.t., Dawid Statnik, druha přirjadnica města Budyšina, dr. Romy Reinisch, wyši měšćanosta města Budyšin, Karsten Vogt, krajny rada wokrjesa Budyšin, Udo Witschas, wyši měšćanosta města Wojerec, Torsten Ruban-Zeh, wyši měšćanosta města Běłeje Wody, Torsten Pötzsch, wjesnjanosća gmejnje Rakecy a Ralbicy-Róžant, Swen Nowotny a Hubertus Ryćer, kaž tež wjesnjanosta Njedźichowa, Harry Habel, a dalše čłonojo gmejnskeje rady Ralbic-Róžant a wokolnych gmejnow přitomni.
DZA je zhromadna iniciatiwa němskeje astronomije a astrofyziki k wutworjenju narodneho centruma za astrofyzikaliske slědźenje, wuwiće technologijow a digitalizaciju we Łužicy. Tu, blisko Ralbic-Róžanta, ma podzemski labor, Low Seismic Lab, we łužiskim zornowcu, seismologisce měrnej kónčinje, nastać.
Mnozy ze sobuskutkowacych z DZA běchu přitomni. Pódla běchu profesor Günther Hasinger, designěrowany załoženski direktor DZA, profesor Stefan Wagner (Landessternwarte Heidelberg), profesor Christian Stegmann (DESY), profesorka Michèle Heurs (uniwersita Hannover), profesor Andreas Rietbrock (KIT), profesor Martin Roth (AIP Podstupim) a za team DZA profesor Jürgen Besold, Katharina Henjes-Kunst, Maria Haupt, Johanna Schurr a Tim Heinl kaž tež k podpěrje z DESY Markus Schade a Daniel Neubert. Wjele kompetency potajkim, zo bychmy na prašenja wobydlerkow a wobydlerjow wotmołwili. A tych bě po přednošku Günthera Hasingera, kiž projekt předstaji, dosć.
Tola najprjedy předstaješe Dawid Statnik jako předsyda Domowiny zhromadnje z profesorom Hasingerom a profesorom Stegmannom serbske mjeno DZA: Astrocentrum Łužica.
Wosebje prašenja kołowokoło pokłada Łužicy, zornowca, ludźi pohibowachu: Kak póńdźe dale z podzemskim laborom? Profesor Rietbrock rozłoži zhromadnje z Katharinu Henjes-Kunst přichodne kročele - w přichodnymaj lětomaj budu so dalše geologiske a seismiske eksperimenty w regionje přewjesć, zo by so idealne stejnišćo za Low Seismic Lab namakało.
K zakónčenju spjelneše profesor Günther Hasinger swój lońši slub a zahra na swojej gitarje spěwy, kotrež jeho žiwjenske stacije zhudźbnichu - wot Oberammergauwa přez Mnichow, Podstupim, Hawaii, Madrid hač do Hornjeje Łužicy.
Wutrobny dźak wjesnjanosće Ryćerjej a dobrowólnej wohnjowej woborje za organizaciju a pohosćenje!
